Mrs. Bing Garcia advises Patrick to “find himself” and Jennylyn “not to be too emotional”

Mrs. Bing Garcia advises Patrick to "find himself" and Jennylyn "not to be too emotional"

“Tinuldukan na ni Jen na ayaw na niyang makita si Patrick. Ayaw na niyang makausap. She doesn’t want to do anything with him. So, I guess, that’s a serious statement. E, si Patrick naman is a serious person. Kung ano ang sabihin mo sa kanya, kahit ano, rerespetuhin niya,” says Mrs. Bing Garcia.

Sa kabila ng mga batikos sa mag-inang Mrs. Bing Garcia at Patrick Garcia dahil sa diumano’y pag-abandona ni Patrick sa anak niya kay Jennylyn Mercado na si Alex Jazz, humarap sa isang live interview si Mrs. Garcia kahapon, November 2, sa Showbiz Central. Si Pia Guanio ang nag-interview sa ina ni Patrick.

Maraming katanungan na hanggang ngayon ay wala pa ring kasagutan. Una na rito ang tungkol sa hindi pa rin pagpaparamdam ni Patrick sa kanyang mag-ina bagamat nandito lang siya sa Pilipinas.

Ayon nga kay Pia, palaging si Mrs. Garcia ang humaharap sa media upang ipagtanggol si Patrick sa bawat isyung kinasasangkutan ng young actor.

Tinanong ni Pia si Mrs. Garcia kung nasaan si Patrick nung mga oras na ‘yon.

“Nagbakasyon siya sa Laguna, nag-wakeboarding with his friends,” sagot ni Mrs. Garcia. “Pagkatapos siguro, by now, on the way home na siya. For now kasi, wala pa naman siyang project. So, sa father niya muna siya nakatira, sa Ayala, Alabang.”

Ilang linggo na bang nakabalik si Patrick mula sa Amerika?

“He’s here, in time for the wedding of his sister Chesca’s wedding. He’s part of the entourage. I think, he arrived October 5.”

And since then, has he made any move to get in touch with Jennylyn?

“Well, ewan ko, kasi one time na umalis sila ni Chesca, medyo nawala siya. Ewan ko kung saan siya nagpunta,” ang sagot ng ina ni Patrick. Dagdag nito sa pagkakakilala sa anak, ” Si Patrick kasi, he’s not the type na he tells you kung saan siya pupunta, kung ano ang nasa isip niya. Not unless talagang parang caught na siya against the wall. Parang wala na siyang pupuntahan, doon na siya magsasabi. Pero si Patrick kasi, tahimik lang. Mas gusto niyang problema niya, siya ang magso-solve.”

Wala bang naikikuwento si Patrick sa kanyang ina na plano o gustong gawin nito kaugnay kay Jennylyn at sa kanilang anak?

Ayon kay Mrs. Garcia: “Ako, on my own point of view… Kasi, di ba, the last time na merong sinabi, tinuldukan na ni Jen na ayaw na niyang makita si Patrick. Ayaw na niyang makausap. She doesn’t want to do anything with him. So, I guess, that’s a serious statement. E, si Patrick naman is a serious person. Kung ano ang sabihin mo sa kanya, kahit ano, rerespetuhin niya.

“Ayaw naman niya sigurong he goes out of his way to check the baby, siyempre baka mamaya, may lumabas na, ‘I want to be off him. I want to move on.’ Or baka mamaya ma-hospital na naman ‘because bina-bother niya ako.’ Baka sabihin, ‘I already told the public na ayaw ko na sa kanya.’ Siyempre, ayaw rin naman ni Patrick ng gulo or misunderstanding.”

REACHING OUT. Sinabi ni Pia na bigla-bigla na lang ang pag-ayaw ni Jennylyn kay Patrick at sa kung anumang may koneksyon kay Patrick. May idea kaya si Mrs. Garcia kung ano ang dahilan ng pag-ayaw ni Jennylyn kay Patrick, at sa pagtanggi ng young actress sa suportang ibinibigay ng pamilya ng ama ng kanyang anak?

“Actually, I don’t have any idea,” sagot ni Mrs. Garcia. “Kasi, nagugulat na nga lang kami, naririnig namin sa TV and everything. Ayoko namang magbigay ng point of view ko, baka mamaya ma-misquote ako. Sabihin na yun ang talagang consensus. Pero hindi ko talaga alam kung bakit ganoon ang nangyari.”

Pag-ulit niya, “Patrick kasi is tahimik na tao. Siyempre, if there’s somebody who will be good for his life, who will be his partner, [it] is somebody who will understand him.”

Tanong ni Pia, “Kung si Patrick ay tinalikuran na nga, as you said, Jennylyn’s own wishes sa pagiging ama niya kay Jazz at pagiging supportive na boyfriend kay Jennylyn, kayo po ba, meron ba kayong parang urge man lang to reach out to Jennylyn, lalo pa nga’t apo n’yo ang anak ni Jen?”

“Pia, mahirap sagutin yun, e,” sabi ni Mrs. Garcia. “Kasi noon, nagmagandang-loob din ako. Ni-refuse din ako, di ba? Now, ayoko na akong mauna. We are not talking about children here. They [Patrick and Jennylyn] are adults. They should be able to resolve their problems.”

Patuloy niya, “Alam mo naman ang mga magulang, kung may tumitira kay Patrick, nandiyan ako para depensahan siya. Pero regarding yung personal niyang problem, anong gagawin niya, anong napag-uusapan nila, anong personal nilang problema, hindi ko alam yun, e. Not unless sasabihan ako, na nandiyan ako bilang magulang, tatanungin ako ng advice. Yun.”

NOT APPLICABLE. Sa birth certificate ni Jazz, “NA” o “Not Applicable” ang inilagay ni Jennylyn under father’s name. Mercado rin ang ginamit na apelyido ng bata imbes na Garcia.

Ano ang nararamdaman ni Mrs. Garcia sa ginawang ito ni Jennylyn?

“Actually, I’m also a woman, di ba? If that’s what makes her happy, she has the right to do so. Anyway, sa batas naman natin, kapag hindi naman ina-acknowledge ng father, or ayaw ipa-acknowledge ng mother, talagang masusunod ang batas. It will take after the last name of the mother,” ani Mrs. Garcia.

Tanong uli ni Pia, “If it were up to you, gusto n’yo po ba na maging ganito na lamang ang situwasyon? Kanya-kanya na lamang at huwag nang mag-reach out at huwag nang maayos kung ano pa ang kaya pang ayusin?”

Sagot ni Mrs. Garcia: “I guess, ako kasi, yung mga adults ngayon, kung sila ay psychologically ready and emotionally incapacitated, so be it,” sagot ni Mrs. Garcia. “Kung ito, siguradong paglipas ng panahon, it will resolve all the hurt. Galit nila ay mawala and the bitterness. There’s a saying that time heals all wounds. Kung yung time ay dumaan para maging mature, makalimutan nila ang galit nila, so be it. Panahon na lamang ang makapagsasabi.”

Ano ang maipapayo ni Mrs. Garcia kay Jennylyn ngayon?

“Ang hirap, baka mamaya, hindi naman tanggapin mabuti,” pauna ni Mrs. Garcia. “Siguro ang maipapayo ko lang, try not to be so emotional. Think twice, three times, before you say anything or something to public. Parang ano ‘yan, e, when you let out a feather in the air, once it flies away, you cannot get it back.

“So don’t think about the present, think about the future. Ano ang maidudulot ng sinasabi mo ngayon sa future? Baka out of emotion, may nasasabi ka na hindi maganda, pagkatapos lahat ng nakikinig… Siyempre, iba-iba ‘yan. May seryoso, may pipintasan ka. And we can’t protect ourselves kung gagamitin natin ang damdamin.”

Ano naman ang mensahe ni Mrs. Garcia sa kanyang anak? Masasabi niya ba na proud siya kay Patrick sa behavior nito ngayon?

“Actually, wala… Hindi ko masasabing ganoon. I cannot judge him, kasi it’s his problem. Actually, kung hindi naman niya sinabing it’s a personal thing,  it’s private. It should not be, everybody’s gloating at it. Everybody’s parang, alam mo yun, spectacle. Hindi ‘yan, e. Private ‘yan, e.

“You cannot judge the person because it takes him so long to deal with it. Siya naman, si Patrick, hinahayaan niya muna. Kaya nga hindi pa siya bumabalik sa showbiz and everything. Nagtatrabaho siya sa father niya, together with his brother. He’s trying out another thing. Pero hindi pa talaga namin masasabi when it comes to his career, kasi nga, hindi pa siya nakikipag-meeting sa mga executives ng GMA kung ano ang plano.”

So, ano ang gusto niyang ipayo sa anak ngayon?

“To find himself,” sabi ni Mrs. Garcia. “To find what he would really like to do. At kung meron man siya na gustong plano or gawin, nandiyan naman ang father niya at kami. Itong situwasyon na ito, kung kailangan man ng relief from court, para lang maayos.”

In the future, kung sakaling mapanood ni Jazz ang interview ni Mrs. Garcia, ano ang gusto niyang ipaalam kay Jazz tungkol sa kanyang ama?

“Na he [Patrick] has not closed his doors. He [Jazz] is welcome. But then, there’s another force that you cannot disregard. It takes two to make everything—to make the marriage, to make the relationship, di ba?

“So, you cannot just force whatever you want. If ever he grows up and sees this, ang sasabihin ko lang, everybody’s welcome. Wala namang masamang tinapay sa amin. As long as nandiyan yung nagso-sorry ka, yung genuine, wala namang problema.”

Sa huli, bumalik si Mrs. Garcia sa pinaniniwalaan niyang “time can heal everything.”

ROSE GARCIA
Philippine Entertainment Portal

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: