Boy Abunda on being gay: “It’s the closest you can get to being an angel.”

"It's the closest you can get to being an angel."

“Ako I will fight for same-sex marriage. But I will not get married. I’m in a 25-year relationship pero hindi ako kasal. Ang pinaglalaban ko lang ay karapatan. You know, ang hinihingi ng mga bakla ay hindi naman doon sa sobra sa karapatan ng tao. Ang hinihingi ng mga bakla ay equal chances, equal opportunities, equal lang,” says TV host Boy Abunda, who has lifetime partner in the person of Bong Quintana.

Nakausap ng PEP (Philippine Entertainment Portal) ang King of Talk na si Boy Abunda pagkatapos ng salu-salo sa ABS-CBN compound para sa birthday celebration niya sa The Buzz last Sunday, October 26.

Sa naturang pag-uusap, nagkuwento si Boy tungkol sa kanyang pamilya, buhay-pag-ibig, at ang patuloy niyang pakikipaglaban para sa karapatan ng mga bakla. Nagpunta sa Hong Kong si Boy para doon ipagdiwang ang kanyang birthday kasama ang kanyang buong pamilya. Umalis sila umaga ng Lunes, October 27, at bumalik din after ng actual birthday ni Boy kahapon, October 29.

“First time ito sa buhay namin. Kasama ko ang Nanay Lesing, kapatid ko si Manang Fe, asawa ng kapatid ko, mga pamangkin ko, at syempre si Bong [Quintana, longtime partner ni Boy] kasama rin. Kami ni Nanay ang usually magkasama sa travel. Pero ito yung first time na buo kaming magkakasama,” excited na pahayag ni Boy isang araw bago sila umalis.

Espesyal ang trip na ito para sa kanya dahil makakasama niya ang kanyang kapatid, ang Vice Mayor ng Borongan City na si Manang Fe. Aminado si Boy na for quite some time ay hindi sila in good terms.

“Nag-sorry ako. Sinabi ko ang lahat ng sama ng loob ko. Sinabi nila ang sama ng loob nila sa akin. Alam mo it humbles me. It took me a lot of time to realize na hindi siya ako, at hindi ako siya. Hindi ba, kadalasan sinasabi natin na, ‘Bakit hindi mo ako magaya? Bakit hindi ka ganito? Bakit hindi ka ganyan?’ Mali pala ‘yon. And it took me a long time. Sabi ko, salamat sa Diyos na in Nanay’s lifetime, hindi man kami perpekto, sinubukan naming mabuo,” saad ni Boy.

Mahirap daw talaga na mangyari noon na magkaroon ng ganitong pag-uusap ang pamilya. Pero kailangan na raw talaga, ani Boy, kaya siya na ang nag-initiate.

Gaano kahirap yung ganoong situwasyon na dapat yung kapatid mo ay kasama mo at kausap mo pero kasamaan mo pala ng loob?

“Hindi kasamaan ng loob ha,” paglilinaw niya. “Mas maganda nga sana iyong masama ang loob mo, dahil may ginawa. Pero kami, meron lang kaming strain. Alam mo yun, hindi lang kayo magkaintindihan dahil iba siya, iba ako. Halimbawa, ang atake ko sa problema iba, ang atake niya iba. ‘Pag nagtagpo kayo, hindi naman sa nag-aaway, pero nagsisigawan kayo. At saka ‘yong sinasabi nga ng nanay, bakit hindi siya katulad ko. Hindi maganda ‘yon sa kapatid mo. Dahil ang kapatid mo ay unique.”

VICTIM MENTALITY. Gaano kahirap yung panahon na ikaw ay sarado at sa palagay mo ay perpekto ka?

“Gaano kahirap yun? Para kang nilalatigo minu-minuto sa iyong buhay. There were times when I felt the victim mentality. I felt that I was so abused. Hindi ko alam na the biggest abuser ng sarili ko, ako. Alam mo may mga panahon noong nagtatrabaho ako, umaakyat ako, pumupunta sa ibang kuwarto, para lang umiyak. Kasi hindi ko maintindihan ang mga nangyayari. Dumating pa ako sa time na komonsulta pa ako sa isang psychiatrist.

“When people say, ‘Is it going to be easy?’ Of course not, it’s going to be hard. There will be a time na hindi ka na kasing kailangan ng industriya. Advantage ko, manager ako. Dumadaan, pumapasok ang mga bagong artista. I know what it is. Alam ko ang kalungkutan. Alam ko ang depresyon na pinagdadaanan ng mga taong gusto pa pero wala nang pumapalakpak. That somehow prepares me. But does it mean it will be easier for me? No. Pinaghahandaan ko ba, siguro. Insecure ba ako, siguro.

“Hindi siguro kasing bigat sa iba kasi nagawa ko na ang gusto ko. I always do my job to the best that I can, di ba? Hindi ako suwapang. Alam na alam ko sa puso ko, may dalawang points yan e, isa ayaw na sa iyo, pangalawa baka umayaw din ako. Nakakapagod din ang trabaho natin. You know, no matter how you love this job, this can be tiring. Alam mo my friends would say, alam mo ‘yang si Abunda kapag napagod ‘yan, lalayas ‘yan. Totoo.

“There may be a day that I would just realize that, ‘Teka muna, I want to spend more time with Nanay. I want to spend more time with Bong. I want to travel more.’ So, dalawa lang ‘yan, either ayaw na nila sa akin or ayaw ko na rin. Hindi sa ayaw. Pero I want to have more time, gusto kong magturo. Kumukuha ako ng foreign services sa Philippine Women’s University. Five years from now, who knows, I’ll be an ambassador.”

At sa politika, may plano ba siya? “Hindi, e. Kasi ang kapatid ko nasa pulitika. Ang nanay ko galing sa pulitika. My late father was also into politics. Ako talaga hindi, e. Si Kris [Aquino] sabi niya, ‘I’m not closing my doors.’ Pero ako, kung tanungin n’yo ako, ayoko talaga. If I’m going to change my mind, I don’t know. Pero malabo. Baka kapag nag-speech ako, bigla akong sigawan ng, ‘Bakla!’ baka makapatay pa ako!” biro ni Boy.

25 YEARS WITH BONG. Alam naman ng marami na matagal na silang nagsasama ng kanyang partner na si Bong Quintana. Sa katunayan, 25 years na sila. Pero paano ba ide-describe ni Boy ang kanilang relationship?

“With Bong it is not easy. Ang pinagdaanan kasi namin ni Bong, hindi rin madali. Twenty-five years na kami sa November 3, birthday ni Ate Vi [Vilma Santos]. It is not a perfect relationship. Ang dami naming kagaguhan. Ang dami naming ayaw sa amin. Pero lahat nang iyan nalampasan.”

Ano yung pinakamabigat na pagsubok na halos ay maghiwalay sila?

“Ang dami, pero hindi kami naghiwalay, e. Isang gabi sigurong hiwalay. Pero walang matagal. In our 25 years, madami na kaming pinagdaanan,” saad ni Boy.

Since birthday nga niya sa October 29, may ibinigay na bang regalo si Bong sa kanya?

“Ako ang nagregalo sa kanya!” pagbibiro ni Boy. “Alam mo I was about to go home, I don’t know what he has for me. Alam mo why he’s very, very important to me aside from the love? Siya talaga yung…he’s the only person I think, outside of my family, who loves me more than I love my self.”

Ano ang pinaka-sweet na nagawa ni Bong para sa kanya?

“Ang dami. Alam mo si Bong, he really takes good care of everything. Like for example, we’re leaving, wala akong trabaho, puro lahat siya. From the tickets to lahat, packing clothes…kasi palibhasa dating steward, di ba? Lahat ‘yan siya.

“It’s a sense of safety. Mas maasikaso si Bong kaysa ako. Mas inaasikaso niya ako. Ang ganda-ganda ko, ‘no?” biro ni Boy.

Inamin ni Boy na isa sa sweet na ginagawa nila ay yung hanggang ngayon, they still write love notes or letters para sa isa’t isa.

“Alam mo up to this day, we write notes. ‘Baby, I’m leaving ahead. Love you. Blah-blah. Be safe.’ Isa yun sa mga sweet na ginagawa namin araw-araw. He calls, he texts. He says, ‘Be safe. I don’t care where you are, just let me know that you are okay, that you are safe.’ Communication, ‘yan ang bukas sa amin.”

Pero aminado rin si Boy na, “Hindi ako naging faithful before. Pero hindi ako nagsinungaling kahit kailan. Marami akong nakasalubong, nilandi ko, nilandi ako. Pero kahit kailan hindi ko itinatwa si Bong. At kahit kailan hindi ako nagduda, na kapag dumating na yung time na dapat na akong umuwi, uuwi ako. Hindi ako nanloko.

“Pero ako, ang dami kong pinagsisihan. Kay Bong, ang dami kong kasalanan. Kung ang tanong n’yo, ‘Si Bong ba, had he been perfect, had he been loyal for the past 25 years?’ Ang sagot ko, ‘I don’t want to know.’ I don’t need to know to love Bong. I don’t need to know his mistakes for me to love him in this lifetime and beyond. I love him the way he is.

“[But] it’s not an open relationship. Kasi ang open relationship in the gay context is you play around. It’s not an open relationship. Basta ako, I don’t want to know and I’m sure Bong doesn’t want to know also.”

Ano ang secret ng kanilang lasting relationship?

“Alam mo walang formula e. What works for me, may not work for you. Kilalanin mo ang sarili mo. I’m sharing this because I’d like to tell you my story and why my relationship worked.”

FIGHTING FOR GAYS. “Ako I will fight for same-sex marriage. But I will not get married. I’m in a 25-year relationship pero hindi ako kasal. Ang pinaglalaban ko lang ay karapatan. You know, ang hinihingi ng mga bakla ay hindi naman doon sa sobra sa karapatan ng tao. Ang hinihingi ng mga bakla ay equal chances, equal opportunities, equal lang. May mga naniniwala sa same-sex marriage. I’ll fight for it. Because that is a fundamental right. Pero sa personal, may iba akong paniniwala. Ayoko talagang pakasal.”

“[But] I want people who believe in marriage to be happy. Happiness is not just about you… I’m not fighting this for my self. I’m fighting for the younger generation of gays. So that one day they can say na, ‘Tatay bakla po ako at kagalang-galang.’ Ang kagalang-galang doesn’t mean perfect ha. Ang kagalang-kagalang may konting kalandian, may konting kasalanan pero matino. Neither does it mean na kapag sinabing bakla ay promiscuous. Doon ako nasasaktan. Promiscuity belongs to all, babae, lalaki, bakla, tomboy.

“Kami ni Bong, although we didn’t undergo the ceremony, we’ve been married many times in front of God. Ang advice ko rin sa mga bakla… I’m in a 25-year relationship pero hindi nangangahulugan na you’re assured of another day. Every day is a decision in a marriage. Hindi komo’t 25 years na kayo ay pababayaan na. Dapat sexy ka pa rin. Dapat nagpapa-facial ka pa rin.”

Ayon pa kay Boy, mahirap pa rin daw maging bakla sa panahon ngayon, kahit na nga sinasabi pang tanggap na raw ito ng society.

“Mahirap din. Pero laban! Ako I’m proud to be gay, because for me it’s so divine. It’s the closest you can get to being an angel,” matalinhagang pahayag ni Boy.

“I’ll tell you something, para ito sa mga batang bakla. This is such a blur o cliché. Parati kong sinasabi, be the best that you can be…because patuloy pa rin tayong lumalaban. You know people would say, ay tanggap na kayo. Maniwala ka, hindi pa rin. Sinasabi ko, be good. Because one day we are going to produce gay world leaders. We’re going to produce a gay president. Be good, mag-aral kayong mabuti kasi katulad ng lahat, mayroon tayong pagkakataon.

“Do not allow anybody to define you in your life. Lagi kong sinasabi, who you are is okay. Kung Bisaya ka, okay ka. Sino ba’ng nagsabi sa iyo na dahil sa Bisaya ka ay bobo ka? Yung punto natin does not define what we think and how we think. Maraming mga estudyante halimbawa sa classroom ang nagsasabing, ‘Ayokong mag-recitation kasi baka mali ang English ko.’ Can you imagine, ilang mga pangarap ang hindi natutupad dahil sa takot?

“Ang daming pangarap, ang daming trabaho, ang daming pagkakataon ang nasayang dahil sa takot na, I’m not tall enough, dahil hindi matangos ang ilong ko, dahil hindi makinis ang balat ko. You know, building yourself is not easy. Pero ako pruweba ako, na sa tapang ng loob, sa lahat ng dasal at paniniwala sa sarili, I made it,” pagtatapos ni Boy.

GLEN P. SIBONGA
Philippine Entertainment Portal

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: